रक्तदान - नेपाली कविता
आफैँ नष्ट भएर जान्छ छिनमा आफैँ पुनः बन्दछ दुःखी मुत्यु हुने घडी रगतले केही अझै गन्दछ । मौका हाे दिनु पर्छ मानव भई सम्बन्ध गाढा हुन बच्ने जीवन रक्तदान भरमा हामी नगर्ने किन ? ।। याे बग्दैन नदी पवित्र जलमा पाक्दैन भाँडो भरी पर्दैनन् असिना सरी गगनका फल्दैन ठूला घरी । रोगीको अझ आयु बढ्छ जनता जागौँ त्यसैले दिन बच्ने जीवन रक्तदान भरमा हामी नगर्ने किन ? ।। मान्छे पुण्य मुहान धर्म भरको त्याे भक्ति भन्दा बडा राम्रो मानिस बन्न आज सबले यी हात पारौँ खडा । रोगीले मनकामना सफलता पार्नेछ केही छिन बच्ने जीवन रक्तदान भरमा हामी नगर्ने किन ? ।। गर्दैनन् जन रक्तदान डरले मिथ्या कुरामा परी हामी स्वस्थ भएर गाउँ घरका पारौँ निरोगी बढी । हाम्राे स्वार्थ छ रक्तदान दिनुमा रोगी भए...